Forsíða

Fyrirtækið

Vörur og þjónusta

Lokin verk

Hafa samband

 


Saga fyrirtækisins

Mex ehf byggir á gömlum grunni, það var árið 1972 sem þeir Magnús Hauksson og Egill Árnason hófu rekstur í 50 fermetra bílskúr við Langholtsveg 164 í Reykjavík og snerist starfsemin um sérsmíði eftir óskum fólks og húsgagnaframleiðslu, einnig hefur fyrirtækið frá upphafi sérhæft sig í lökkun á húsgögnum og innréttingum. Hét fyrirtækið þá Nýsmíði sf.

Um það bil 10 árum síðar skyldu leiðir þeirra Magnúsar og Egils og hefur Magnús eftir það rekið fyrirtækið einn.

1985 keypti Magnús húsnæði undir reksturinn að Lynghálsi 3 í Árbæjarhverfi og hefur starfsemin verið þar síðan.

1986 hófst framleiðsla á innihurðakörmum o.fl. fyrir Harðviðarval sem var þarna í næsta húsi og var í stórtækum innflutningi á innihurðum, en hagstætt þótti að framleiða hurðakarmana innanlands.

1990 var svo keyptur sérhæfður vélbúnaður til framleiðslu á svokölluðum ,,Frönskum gluggum,, (einnig kallað ,,Sprotagluggar,,) en þessa glugga hafði Harðviðarval flutt inn fram að þeim tíma, en þeim innflutningi var hætt.
Í um 15 ár framleiddi fyrirtækið glugga þessa fyrir flesta þá sem voru að selja innihurðir, bæði hurðir sem framleiddar voru innanlands og hurðir sem voru innfluttar og komu víða frá. Þótti hagstætt að flytja hurðirnar inn gluggalausar,
en setja síðan glugga í þær hér eftir því sem óskað var eftir.

1995 hófst innflutningur á hinum frábæru lakkefnum frá ICA á Ítalíu, bæði til eigin nota og til dreifingar hérlendis.

Síðustu ár hefur reksturinn auk framangreinds, að mestu snúist um innflutning á allskonar stigum og stigahandriðum aðallega frá dönskum framleiðendum, tréstigar frá Trappefabrikken A/S sem er stærsti framleiðandinn á tréstigum í Danmörku og stál stigar frá PLAN Trapper A/S, sem hefur getið sér mjög gott orð fyrir vandaða framleiðslu, og má segja að þeir hjá PLAN A/S séu séhæfðir í sérsmíði.

Frá Bendywood á Ítalíu höfum við á lager beygjanlegan harðvið, viðurinn er beygður í venjulegum vals eins og notaður er til að beygja járnrör.
T.d. er hægt að beygja handlista í heilu lagi á hringstiga.

Frá Anssems í Hollandi flytjum við inn bílkerrur, lögð er áhersla á fáar gerðir, frábær og úthugsuð tæki.

Framleiðum einnig handriðaefni, allskonar stólpa, pílára og handlista, eftir óskum hvers og eins.

Efni í Harmonikkuhurðir, margar viðartegundir er flutt inn frá Finnlandi og hurðirnar síðan smíðaðar hérna og afgreiddar eftir máli fyrir hvern og einn.

Efni í PVC Harmonikkuhurðir er á sama hátt flutt inn frá Ítalíu.

 

Mex ehf. - Lyngháls 3 - Árbæjarhverfi - 110 Reykjavík - Sími 567 1300 - Farsími 615 1750